បន្ទាយមានជ័យ ៖ អភិបាលខេត្តបន្ទាយមានជ័យ បានសម្តែងនូវការខកចិត្តប្រធានមន្ទីរពេទ្យមន្ទីរពេទ្យខេត្ត (មន្ទីរពេទ្យមិត្តភាព កម្ពុជា-ជប៉ុន មង្គលបូរី) ខណៈដែលលោកបានទៅបរិច្ចាគឈាមជូនក្រុមការងារអង្គរក្សសម្តេចតេជោ ដែលបានមកបំពេញបេសកកម្មនៅខេត្តបន្ទាយមានជ័យដែលត្រូវធ្វើការវះកាត់។

នៅយប់ថ្ងៃទី៤ ខែកញ្ញា ឆ្នាំ២០២១ តាមរយៈ បណ្តាញសង្គម ផេកហ្វេសប៊ុកផ្លូវការរបស់លោក អ៊ុំ រាត្រី អភិបាលខេត្តបន្ទាយមានជ័យ ( Page : អ៊ុំ រាត្រី Oum Reatrey) បានសរសេរង្ហោះសារយ៉ាងដូច្នេះថា "ថ្ងៃនេះម៉ោង១០ៈ០៥នាទី យប់ខ្ញុំបានបរិច្ចាកឈាមដើម្បីជួយសង្រ្គោះលោក អិន លីអាន មានឋានន្តរសក្ត័វរសេនីយទោ ជាក្រុមការងារអង្គរក្សសម្តេចតេជោ ដែលបានមកបំពេញបេសកកម្មនៅខេត្តបន្ទាយមានជ័យ ដែលត្រូវធ្វើការវះកាត់នៅមន្ទីរពេទ្យមង្គលបូរី ហើយដែលលោកប្រធានមន្ទីរពេទ្យប្រាប់ថា ជាគោលការណ៏ត្រូវរកអ្នកអោយឈាមជំនួស និងបង់ថ្លៃសេវាមុនធ្វើការវះកាត់ទោះអ្នកជំងឺធ្ងន់ក៏ដោយ"។

ក្នុងនោះលោក អ៊ុំ រាត្រី បានដាក់ជាសំនួរថា "តើការគ្រប់គ្រងរបៀបនេះគួរត្រូវសម្រេចយ៉ាងម៉េចចំពោះអ្នកគ្រប់គ្រងដែលមិនគិតពីក្រមសីលធម៏ និងមិនចេះចាត់ចែងការងារហើយមិនមែនលើកទីមួយទេ គឺច្រើនលើកហើយដែលប្រជាពលរដ្ឋតែងតែរអ៊ូរទាំលើការផ្តល់សេវារបស់មន្ទីរពេទ្យដែលលោកចន្ទ័ វុឌ្ឍីណាវុធ ជាប្រធាន"។

ពាក់ព័ន្ធបញ្ហានេះតេីលោកប្រធានមន្ទីរសុខាភិបាល លោក ឡេ ច័ន្ទសង្វាត មានចំណាត់ការយ៉ាងចំពោះ លោក ចន្ទ័ វុឌ្ឍីណាវុធ ប្រធានមន្ទីរពេទ្យមិត្តភាព កម្ពុជា-ជប៉ុន មង្គលបូរី  ដែលមិនគិតពីក្រមសីលធម៌ និងមិនចេះចាត់ចែងការងារហើយមិនមែនលើកទីមួយទេ គឺច្រើនលើកហើយដែលប្រជាពលរដ្ឋតែងតែរអ៊ូរទាំលើការផ្តល់សេវា បេីសូម្បីតែងថ្នាក់ដឹកនាំក៏លោក ចន្ទ័ វុឌ្ឍីណាវុធ គ្មានការយោគយល់ ចុះទម្រាំងប្រជារដ្ឋធម្មតាដែលលោកមានជីវភាពក្រក្សត់តេីមានថវិកាពីណាសម្រាប់ព្យាបាលជំងឺ៕